Presidenti francez Emmanuel Macron i bëri thirrje të hënën Bashkimit Evropian të vazhdojë të rrisë presionin ndaj Rusisë për shkak të luftës së saj kundër Ukrainës dhe të miratojë një paketë sanksionesh që janë bllokuar nga Hungaria. "Ne do të vazhdojmë të rrisim presionin ndaj Rusisë. Duhet të ecim përpara me paketën e 20-të të sanksioneve të Bashkimit Evropian dhe diskutimet do të zhvillohen në ditët në vijim", tha Macron së bashku me Presidentin finlandez Alexander Stubb. Diplomatja më e lartë e BE-së, Kaja Kallas, tha ndërkohë se nuk priste të arrihej një marrëveshje për sanksionet e reja ndaj Rusisë të hënën, pasi Hungaria u zotua t'i bllokonte ato nëse Ukraina nuk rihap një tubacion kyç nafte.