Pas humbjes së Partisë Demokratike në zgjedhjet e 25 prillit, pyetja që drejtojnë të gjithë është a duhet të japë dorëheqjen Lulzim Basha. Kjo është humbja e dytë radhazi e Bashës si kryetar partie në përballjen në zgjedhjet parlamentare, pasi ka marrë drejtimin e partisë në 2013, kur u dorëhoq në atë kohë ish kryetari Sali Berisha. Dorëheqja e Berishës që drejtonte partinë që pas 1997, erdhi pas humbjes së PD në 2013, pas 8 viteve që ajo ishte ne pushtet duke vendosur një standard të panjohur më parë për këtë parti. Berisha në atë kohë u dorëhoq duke i hapur rrugë garës për kryetarin e ri të PD. Pas zgjedhjeve në strukturat e PD ku mori pjesë anëtarësia e saj, në garën e dy kandidatëve në atë kohë Lulzim Bashës dhe Sokol Olldashit, Basha fitoi me 80 % të votave duke u zgjedhur kreu i ri i PD vetëm një muaj pas humbjes në zgjedhje Po ti referohemi edhe asaj çfarë ka ndodhur nga a e majta, edhe Fatos Nano dha dorëheqjen në 2005 si kryetar partie, pas humbjes së PS në zgjedhjet parlamentare të saj kohe, në një kohë që PS kishte qeverisur vendin për 2 mandarte me radhë. Në të dyja kampet janë vendosur standarde, nga liderë historike të partive respektive. Por qëndrimi i djeshëm i Bashës në deklaratën nga selia e PD pas konfirmimit zyrtar të humbjes, nuk linte vend për dorëheqje dhe marrje përgjegjësie, por konfirmim i vazhdimit të bejetës së opozitës me maxhorancën e rikonfirmuar