Armand Nelaj, 52-vjeç është viktima e ngjarjes së ndodhur në qytetin e Sarandës mbrëmjen e të hënës, të cilit dyshohet se I shpërtheu bombola e oksigjenit teksa ishte duke bërë zhytje. Por nuk përjashtohet as mundësia që ai të jetë vrarë në një attentat, Pistë kjo që momentalisht është duke u hetuar nga ana e policisë së Sarandës. Viktima prej vitesh ka qenë biznesmen në qytetin bregdetar por ka pasur dhe konflikte. Paraprakisht hetuesit përtej qëndrimit të mbajtur paraprakisht ku u tha se vdiq si pasojë e shpërthimit të bombulës, nuk evitojnë as mundësinë që të ketë qenë tritol. Viktima ishte një zhytës dhe u gjet nga dy shtetas të huaj, të cilët udhëtonin me një gomone drejt skafit të tyre. Këta dy persona e kanë nxjerrë menjëherë nga uji dhe e kanë transportuar drejt Portit të Sarandës, ku më pas është marrë nga ambulanca për ta dërguar në spital. Pavarësisht përpjekjeve për ta shpëtuar, zhytësi nuk ka arritur të mbijetojë.