Mustafa Laçi, punëtor i fabrikës famëkeqe të demontimit të armëve në Gërdec, ka fituar përballjen me shtetin shqiptar në Gjykatën e Strasburgut. Burokracitë dhe zvarritjet e gjykatave shqiptare, kanë bërë që ai ta dërgojë çështjen në Strasburg dhe të shpallet fitues. Mustafa Laçi humbi bashkëshorten në këtë tragjedi dhe kërkoi të drejtën nga shteti shqiptar, por mungesa e një pulle të postës në dokumentet e tij, bëri që dosja të zvarritej dhe ai të mos merrte drejtësi. Gjykata e Strasburgut ka vlerësuar se në këtë rast atij i janë shkelur të drejtat. Shteti shqiptar duhet t’i paguajë Mustafa Laçit 7,500 për vonesat, si dhe 3,000 euro për kostot e gjyqit. “Kërkuesi, Mustafa Laçi, është një shtetas shqiptar i lindur në vitin 1968 dhe jeton në Kavaje, Shqipëri. Rasti ka të bëjë me dështimin e vazhdueshëm të gjykatave vendase për të shqyrtuar të drejtën e aplikantit për përjashtim nga pagesa e pullës. Në pritje të një ekzaminimi të tillë, një kërkesë për kompensim të paraqitur nga ai në të njëjtën kohë me 70 persona të tjerë për humbjen e jetës së anëtarëve të familjes në një shpërthim në një objekt të çmontimit të municioneve, dosja është transferuar nga autoritetet në kompanitë private, por ende nuk është marrë parasysh. Duke u mbështetur në Nenin 6 e Konventës Evropiane për të Drejtat e Njeriut, ankuesi ankohet se dështimi i gjykatave vendase për të shqyrtuar bazueshmërinë e kërkesës së tij për shkak të pamundësisë së tij për të paguar tarifën e pullës së postës, përbënte një kufizim të pajustifikuar të tij te e drejta e qasjes në gjykatë. dëme jomonetare: 7,500 euro (EUR) shpenzimet: 3,000 euro”, thuhet në vendimin e Gjykatës së Strasburgut. Bashkëshortja e Mustafa Laçit, Nafije Laçi, është një nga 26 viktimat që humbën jetën në shpërthimin e fabrikës së demontimit të municioneve në Gërdec në 15 marsin e vitit 2008.