Vladimir Putin thotë se sanksionet e vendosura nga perëndimi mbi Rusinë, në lidhje me pushtimin e Ukrainës nga ana e tij, janë thuajse një deklaratë lufte. Dukshëm i zemëruar, Putin doli në një konferencë për shtyp këtë të shtunën ndërkohë që Moska e gjen veten të izloluar nga pjesa tjetër e botës dhe e shndërruar në një shënjestër sanksionesh. E ndërsa Kremlini po e sheh veten në vështirësi, për shkak të ekonomisë, forcat e putinit po e gjejnë veten po ashtu në telashe në Ukrainë. Kievi tha të shtunën se trupat e tyre kanë vrarë apo kapur rob deri më tani më shumë se 10 mijë ushtarë rusë. Dhe kjo, bashkë me shkatërrimin e 269 tankeve, 945 mjeteve të blinduara dhe 79 avionëve dhe helikopterëve. Media shtetërore ruse i raportoi komentet e putinit ndërsa pushtimi vazhdon dhe po përballet me një rezistencë të fortë. “Ato sanksione, janë të ngjashme me një deklaratë lufte”, tha Putin duke vijuar më tej me kërcënimin se nëse një vend do të tentojë të shpallë zonën e ndalim fluturimit mbi ukrainë, do të konsiderohej nga moska si palë në luftë.