Po filmonin një video që më pas do ta postonin në rrjetet sociale ndërsa argëtoheshin pas drekës së ditës së falenderimit në familje në Brooklyn Park, në periferi të Mineapolisit, në Minesota. Një lojë që është shndërruar në tragjedi, kur grupi i fëmijëve ka gjetur një pushkë në garazhin e shtëpisë: duke e mbajtur në dorë, një 13 vjecar ka bërë që arma të shkrepet dhe ka vrarë një fëmijë 5 vjec. dhe kjo është dramë mbi dramën, tani adoleshenti është në burg dhe rrezikon një akuzë për vrasje. Grupi i fëmijëve, pesë në total, pas drekës mes prindërve dhe miqve, po luante në garazhin e shtëpisë, duke bërë foto dhe duke xhiruar video për ti hedhur në mediat sociale, e duke përdorur si trofe një armë të lënë pa kujdes dhe me një plumb në grykë. Nuk është ende e qartë se si është shkrepur arma që ka goditur më të voglin e grupit. Policia e mbërritur në vendngjarje arrestoi 13 vjecarin. E kjo dramë ka ndezur edhe një herë debatin për rrezikun e armëve në SHBA, vendin me numrin më të lartë në botë të armëve të zjarrit në qarkullim, mbi 395 milionë, ose 46 për qind e atyre që mbahen nga civilët në të gjithë planetin.