Kryeministri i Kosovës, Avdullah Hoti, përmes një statusi në Facebook, tha se nuk do të ketë dialog teknik. Sipas tij, do të ketë vetëm dialog për marrëveshje finale dhe njohje reciproke. “Nuk ka dialog teknik. Ka dialog vetëm për marrëveshje finale për njohje reciproke dhe normalizim të marrëdhënieve në mes të dy vendeve”, shkroi Hoti. Gjatë javës së kaluar ka rinisur dialogu mes Kosovës dhe Serbisë, takimi mes kryeministrit të Kosovës, Avdullah Hotit dhe presidentit të Serbisë, Aleksandar Vuçiç është zhvilluar në Bruksel. Pas takimit, Hoti ka thënë se në bisedime janë diskutuar dy tema: çështja e të pagjeturve dhe zhvillimi ekonomik.