Të paktën dy persona janë qëlluar për vdekje me shpatë në Quebec të Kanadasë e pesë të tjerë janë plagosur nga një person që mbante veshje mesjetare. I riu tek të 20-tat është arrestuar ndërsa policia këshilloi banorët të qëndrojnë brenda teksa zhvillohet hetimi mbi ngjarjen. Sulmi ndodhi në lagjen e vjetër historike të Quebec-ut. Pas ndalimi të tij, agresori është dërguar në spital, ashtu si dhe pesë të plagosurit nga dora e tij. Për respekt të familjeve, thanë drejtues të policisë, identiteti i viktimave nuk do të bëhet publik. Ende nuk dihet nëse sulmuese ishte një person i njohur për policinë. Ngjarja e rëndë e Kanadasë pason dy sulme të ngjashme në Francë, ku një mësuesi iu pre koka në mes të ditës në Paris pasi tregoi në klasë karikatura të profetit Muhamed dhe disa ditë më vonë, një emigrant tunizian vrau me thikë tre vetë në Nice.