Të paktën dy persona janë vrarë dhe shtatë të tjerë janë plagosur në një sulm me thikë në një tren, në gjermani, këtë mëngjes. Agresori, ka shkaktuar kaos ndërsa ndiqte nga pas dhe i hakërrehej me thikë pasagjerëve të tmerruar në bordin e trenit nga Kieli në Hamburg, duke bërë që udhëtarët të ulërisnin nëpër vagonë ndërsa përpiqeshin ti shpëtonin vdekjes. Gjakderdhja mori fund, kur agresori, një refugjat 33 vjecar palestinez sipas zyrtarëve, që kishte dalë nga burgu pak kohë më parë, ishte ndaluar nga policët dhe arrestuar në platformën e stacionit në qytetin Brokstedt. Një zëdhënës i policisë tha se hetimet për të përcaktuar motivin e këtij akti ishin fokusuar në cdo drejtim, përfshirë edhe ekstremizmin e mundshëm apo problemet psikologjike të autorit. Tre nga shtatë pasagjerët e plagosur janë në gjendje kritike pas sulmit të tmerrshëm që ministrja e brendshme rajonale, Sabine Suetterlin Ëaak e quajti një akt të tmerrshëm kundër njerëzimit. Një pasagjer tha se njerëzit në vagonin e tij ishin përfshirë nga paniku pasi tre vajza, historike hynë me vrap duke ulëritur e duke thënë se një agresor kishte vrarë disa njerëz më tej në tren. Autori besohet se kishte dalë nga treni sapo ai kishte ndaluar në stacion dhe kishte vijuar të qëllonte me thikë njerëzit në platformë para se të ndalohej nga policia. Edhe vetë agresori tani është në spital, ku po kurohet pasi mediat gjermane raportojnë se ai kishte qëlluar edhe veten me thikë, përvec pasagjerëve të tmerruar. Agresori raportohet se kishte një leje qëndrimi të përkohshme në gjermani.