Një vlerësim i Pentagonit thekson se mund të duhen gjashtë muaj për të pastruar plotësisht ngushticën e Hormuzit nga minat e vendosura nga ushtria iraniane, raportoi të enjten Ëashington Post. Sidoqoftë, pastrimi i ngushticës nuk ka gjasa të fillojë deri pas përfundimit të luftës, sipas vlerësimit të Pentagonit, të ndarë në një informim të klasifikuar për anëtarët e komitetit të shërbimeve të armatosura të Dhomës së Përfaqësuesve më herët këtë javë. Duke folur për Ëashington Post në lidhje me këtë vlerësim, tre zyrtarë të njohur me cështjen thanë se vlerësimi gjashtëmujor i frustroi si ligjvënësit demokratë ashtu edhe ata republikanë. Atyre iu tha se Irani mund të ketë vendosur 20 ose më shumë mina në dhe përreth ngushticës, me disa që lëshoheshin nga distanca duke përdorur teknologjinë GPS, gjë që i bën ato më të vështira për t'u zbuluar. Rruga e ngushtë ujore, e cila transportonte një të pestën e furnizimeve globale me naftë dhe gaz para luftës, është mbyllur në mënyrë efektive që nga fillimi i konfliktit më 28 shkurt, pavarësisht një armëpushimi që ndali luftimet mes SHBA-së, Izraelit dhe Iranit.