Me Horgiton dhe Klaudjanin kishte rreth 1 viti shoqëri, ndërsa me vete mbante një dorezë hekuri që e kishte blerë online. Në banesën ku ishin mbledhur atë pasdite, ata kishin konsumuar disa birra, ndërsa Klaudjani dhe Horgito kishin konsumuar edhe kokainë. 18-vjeçari tashmë I arrestuar thotë ndër të tjera se në atë shtëpi, ka parë që Klaudjani kishte pistoletë mbi divan, e cila u mbajt nga Horgito pasi dolën nga shtëpia. Më pas tre të rinjtë kanë marrë rrugën drejt bulevardit të qytetit. Teksa po kalonin stadiumin, Dino po ecte me Horgiton, ndërsa pas tyre po ecte Klaudjani i cili po debatonte me Madrit Ulqinakun dhe me Herion Hamzallarin, mik I viktimës. 18-vjeçari I njihte të dy pasi kishin punuar më parë për babain e Dinos. Sapo i pashë që po konfliktoheshin me Klaudjanin, u afrova për ti ndarë sepse i njihja të dyja palët, thotë ndër të tjera në dëshminë e tij 18-vjeçari.