Arkëmorti me trupin e pajetë të kryepeshkopit të Shqipërisë, Anastas ka kaluar në orët e para të mëngjesit të së martës në pikën kufitare të Kakavijës, ku iu drejtua fshatrave minoritarë të Gjirokastrës për t’u nderuar për herë të fundit nga besimtarët ortodoksë. Më pas kortezhi do të vijë në rrugë tokësore drejt Tiranës. Ai shoqërohet nga Mitropoliti i Apolonisë dhe Fierit Nikolla, ipeshkvi Anastas Krugias dhe priftërinjtë Harallamb Gjoka dhe Spiridon Topanxha, të cilët ishin bashkëpunëtorët e tij më të ngushtë në ringjalljen e Kishës ortodokse shqiptare. Sinodi i Shenjtë i Kishës së Shqipërisë njoftoi se pritja e shenjtërimit të Kryepeshkop Anastas në Katedralen e Ngjalljes së Krishtit në Tiranë do të bëhet të martën, më 28 janar 2025 në orën 16:00. Ndërkohë, Policia e Tiranës njoftoi se ka ndërmarrë masat e nevojshme për garantimin e mbarëvajtjes së homazheve për Kryepeshkopin Anastas.