Kryeministri Edi Rama ka zhvilluar një bisedë telefonike me homologun holandez, Rob Jetten. Biseda është konfirmuar nga kreu i qeverisë holandeze, që përmes një postimi në rrjetet sociale zbardh edhe detaje. Dubël grafik Rob Jetten, kryeministër i Holandës: “I lumtur për telefonatën e parë me Kryeministrin e Shqipërisë, Edi Rama, një partner strategjik në Ballkanin Perëndimor, si për Holandën, ashtu edhe për Bashkimin Europian. Bashkëpunimi ynë ekonomik dhe ai në fushën e sigurisë janë të fortë. Diskutuam për të zgjeruar partneritetin, si shembull në infrastrukturë dhe turizëm”. Holanda ka mbështetur rrugën e integrimit të Shqipërisë në BE dhe kjo mbështetje, sipas asaj që thotë Kryeministri holandez, Jetten u ritheksua në bisedën telefonike me Ramën. Jetten thotë se u bisedua se si Shqipëria po ecën me hapa domethënës për përmbushjen e kritereve të anëtarësimit, teksa shton se mezi pret që të takohet me Kryeministrin e Shqipërisë gjatë samitit BE-Ballkani Perëndimor në muajin qershor.