Tashmë nuk ka më gjobë për kalimin e afatit 30 ditor të deklarimit të ndryshimit të vendbanimit. Këtë e ka bërë të ditur Ministri i Brendshëm Bledi Çuçi gjatë një komunikimi online me qytetarët. Çuçi u ka kthyer përgjigje pyetjeve të qytetarëve në lidhje me proceset që duhet të ndjekin për të rregjistruar vendbanimin e ri. ‘Kemi vendosur ta heqim për një kohë të caktuar, që ti lëmë hapësirë njeëzve që pa i ngarkuar financiarisht, pa gjobë ta bëjnë ndryshimin e vendbanimit.Dua i bëj thirrje gjithë shqiptarëve që tani nuk aplikohet gjobë nëse ka kaluar afati 30 ditor i deklarimit të ndryshimit të vendbanimit.Të përfitojnë nga kjo lehtësi ta bëjnë sa më shpejt këtë deklarim, mund të shkoni në zyrat e gjendjes civile ta bëni këtë ndryshim pa u penalizuar”, tha ministri. Ndër të tjera ministri Çuçi i bëri thirrje qytetarëve që të pajisen me karta identiteti dhe pasaportë pasi kjo procedurë tashmë nuk ka më nevojë për sorollatje. Gjithccka bëhet nëpërmjet plotësimit online në e-albania të formularit dhe më pas nëpërmjet një takimi që lihet po online shkohet fizikisht në qendrën e caktuar për të tërhequr dokumentet e reja.