Nuredin Dumani, njeriu që dyshohet si autor i disa ngjarjeve kriminale në vend, ka vendosur të bashkëpunojë me drejtësinë. Sipas burimeve paraprake, 35-vjeçari ka marrë statusin e bashkëpunëtorit të drejtësisë. Dumani ka pranuar të tregojë për të gjitha ngjarjet kriminale ku është përfshirë dhe se kush ishin porositësit e krimeve që ai ka kryer. Duke qenë një prej personave më të kërkuar në vend, informacionet që mund të japë për prokurorët do të zbardhnin dhjetëra ngjarje kriminale. Ai u arrestua në Fier më 29 mars të këtij viti kur po merrte ndihmë mjekësore, pasi ishte plagosur në aksin rrugor Elbasan-Cërrik, ku dyshohet se do kryente një atentat. Së bashku me të u arrestua dhe Henrik Hoxhaj, I cili gjithashtu ka pranuar që të bashkëpunojë me drejtësisë. Dumani është marrë zyrtarisht I pandehur për vrasjen e vëllezërve Viktor dhe Besmir Haxhia dhe të Dorjan Shkozës e Anxhelo Avdisë.