Që nga 8 tetori kur Hezbollahu hodhi për herë të parë raketa në Izrael, në solidaritet me palestinezët pas sulmeve të Hamasit, të dyja palët kanë shkëmbyer rreth 5000 sulme. Shumica kanë ardhur nga Izraeli, por sipas Sky Neës, tani Hezbollahu po ndryshon taktikat dhe sulmet e tij shtrihen më thellë në territorin izraelit se kurrë më parë. Izraeli ka evakuuar të gjithë banorët që jetonin brenda 3 km nga kufiri, në total rreth 60,000 njerëz. Sipas OKB-së, 98,000 njerëz të tjerë janë zhvendosur nga Libani jugor. Dhjetra komunitete në të dy anët e kufirit janë shndërruar tani në qytete fantazma. Sulmet e Izraelit kanë arritur thellë në Liban, duke goditur shpesh objektiva më shumë se 10 km larg kufirit. Megjithatë, deri në mes të qershorit, Hezbollahu rrallë kishte goditur më shumë se 2 km brenda Izraelit. Javët e fundit, kjo ka filluar të ndryshojë. Hezbollahu tani po kryen rregullisht sulme përtej zonës së evakuimit prej 3 km të Izraelit.