Luftimet në Gaza vijnë së bashku me frikën në rritje për një zjarr më të gjerë rajonal që përfshin Izraelin dhe lëvizjen Hezbollah të Libanit. Të dy palët janë angazhuar në shkëmbime zjarri pothuajse të përditshme që nga fillimi i luftës në Gaza. Shkëmbime të tilla janë përshkallëzuar këtë muaj. Të premten, Hezbollahu tha se kishte nisur sulme të shumta ndaj pozicioneve ushtarake izraelite. Agjencia Kombëtare e Lajmeve e Libanit raportoi se tre persona, përfshirë dy palestinezë, ishin vrarë në një sulm izraelit në një ndërtesë pranë një fshati kufitar. Ndërkohë, ushtria izraelite tha se tre drone u identifikuan duke kaluar nga Libani. Ushtria tha se u përgjigj me zjarr artilerie. Tensionet mes Tel Avivit dhe grupit militant kanë ardhur duke u shtuar gjatë ditëve të fundit ndërsa palët kanë paralajmëruar dhe mundësinë e nisjes së një lufte mes tyre.