Hetimi nga ana e prokurorisë për denoncimet e çështjeve që lidhen me krimet zgjedhore është në vijim e sipër për një pjesë prej tyre nga ana Spak dhe nga ana e prokurorive në rrethe. Hetimi i krimeve zgjedhore ka qenë kryefjala e përfaqësuesve të huaj në vendin tonë, apo edhe vëzhguesve që ndoqen nga afër fushatën elektorale dhe procesin e zgjedhjeve të 25 prillit. Por çfarë ka prodhuar hetimi I deritanishëm I këtyre denoncimeve?Deri më tani mësohet se nga ana spak është vendosur mosfillimi i hetimieve për 25 çështje për krime zgjedhore të denoncuara gjatë periudhës para dhe pas 25 prillit nga ana subjekteve të ndryshme politike. Në prokuroritë e juridiksionit të përgjithshëm janë në proces verifikimi paraprak 41 njoftime për veprat penale në fushën e zgjedhjeve, ndërkohë nga totali i cështjeve të denoncuara në prokurori, ndërkohë janë transferuar për kompetencë lëndore në SPAK 23 denoncime. Sipas të dhënave zyrtare deri javën e parë të qershorit prokuroritë kanë regjistruar procedimin penal për 53 njoftime për vepra penale në lidhje me zgjedhjet. Nga çështjet e regjistruara kanë përfunduar 7 prej tyre me 5 persona në hetim, prej të cilave 3 procedime me 3 persona nën hetim janë transferuar në SPAK, 1 është pushuar, 1 është pezulluar dhe 2 procedime me 2 të pandehur janë dërguar për gjykim.