Pas skandalit të testeve false Top Channel zbulon skandalin e radhes në doganën e Kapshticës. Burime të sigurta në ministrine Greke të Mbrojtjes se Qytetarit,thanë mbrëmbjen e së enjtes se organziata që fabrikonte teste negative covid të falsifikuara,është përgjegjëse edhe për bllokimin e sistemit të plf, dokumenti qw plotwsohet wn kufi. Burimet i thanë top channel se grupi i falsifikatorwve tw PLFe ka qendrën ne zonën e Korçës dhe prej këtij aktiviteti ka përfituar shuma të mëdha parash. Shërbimet greke kanë evidentuar se nga të paktën dy pika në qytetin e Korçës, anëtarë të organizatës rezervonin PLF me të dhëna jo të sakta, të cilat në vazhdim, pasi i korigjonin, ua shisnin udhëtarëve që dëshironin të kalonin nëpër doganën e Kapshticës me destinacion Greqinë. Të paktën 9000 PLF janë evidentuar si të falsifikuara, çka ka bërë që dogana e Kapshticës të ketë plotësuar numrin prej 300 vetë në ditë, edhe për muajt e ardhshëm. Autoritet thonë se nuk mund të bëjnë asnjë veprim, pasi organizata ka mbrojtjen e personave me pushtet në zonën e Korçës. Duket se trafikantët kanë pasur mbështetjen e policisë shqiptare,të cilët dyshohet se janë pjesë e organizatës. Burime policore greke thanë se edhe pse kanë lajmëruar kolegët shqiptarë lidhur me situatën, asgjë nuk ka ndryshuar. Madje, situata është përkeqësuar dhe me ardhjen e dimrit, parashikohet që kjo doganë të vazhdojë të qëndrojë e mbyllur, pavarësisht se numri real i atyre që kalonin ishte në realitet më i vogël sesa 300 vetë që ishte kuota e lejuar. Mbyllja e Kapshticës do të detyrojë banorët e Korçës të zgjedhin kalimin nëpërmjet Maqedonisë së Veriut dhe doganës greke të Evzonit, ose të zgjedhin pikën e Kakavijës, pikë e cila sipas autoriteteve greke, tashmë ka kaluar në alarm të kuq, për të përballuar fluksin, por edhe për të penguar trafikantët të shtrijnë aktivitetin e tyre.