Deputeti i Partisë Socialiste, Erion Braçe ka folur në lidhje me hetimet për inceneratorët, ku pavarësisht provave të dala për Arben Ahmetajn, ndaj tij jo vetëm që nuk ka asnjë nisje hetimi, por as është marrë në pyetje. - Kush po i devijon hetimet? Ata politikanë që shihni aty që bëjnë sikur dinë shumë. Politikanët kanë marrë zemër më shumë se sa prokurorët, në një Prokurori ku duhet të flasin vetëm prokurorët dhe faktet. Po bëjnë edhe pengimin e drejtësisë për sa kohë po mundohen të bëjnë edhe devijim të hetimeve. Nëse këta politikanë pëngojnë hetimit, apo devijojnë hetimin, duhet të mbajnë përgjegjësi. Në emisionin "Zona Zero" në Top Neës, Braçe deklaroi se nuk duhet të jenë politikanët që të bëjnë kallëzime në SPAK, por ata duhet të jenë në hetim të drejtësisë, duke iu referuar në këtë rast kallëzimeve të LSI-së.