Salvador Kaçaj, përfaqësuesi i opozitës në Lezhë u paraqit këtë të hënë në prokurorinë e posaçme për t’u marrë në pyetje në lidhje me hetimet që ka nisur SPAK për tragjedinë e 21 Janarit 2011. Kaçaj dha shpjegime para prokurorëve të posaçëm për rreth një orë. Në lidhje me këtë dosje kanë dhënë sqarime në SPAK më herët deputeti socialist, Xhemal Qefalia dhe ish ministri i Brendshëm, Saimir Tahiri. Veç 21 Janarit, përfaqësuesi i koalicionit ‘Bashkë Fitojmë’ në zgjedhjet vendore të majit të vitit të kaluar u vu në qendër të vëmendjes edhe për denoncimin e një atentati të dështuar, që sipas tij, iu organizua nga persona të paidentifikuar. Kaçaj publikoi në krah të Sali Berishës një video nga atentati i dyshuar. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.