Në një rrëfim ekskluziv për Top Story me Grida Dumën, Argia Malltezi e ka cilësuar procesin gjyqësor të nisur nga SPAK ndaj bashkëshortit dhe babait të saj një rrëshqitje e tmerrshme e sistemit të drejtësisë. “Ky është një rast ku edhe si juriste edhe si familjare dhe si një njeri që i ndjek zhvillimet politike, e konsideroj si një rrëshqitje jashtëzakonisht të sistemit të së drejtës. Kur sulmin politik e bën sistemi i drejtësisë kjo është një rrëshqitje e rëndë. Sot unë ju jam mirënjohëse që më keni ftuar” Ajo akuzoi prokurorinë dhe gjykatën e posaccme se janë shndërruar në një kamzhik të Edi Ramës për të goditur kundërshtarët e tij politikë. Malltezi tha se prokuroria e posaccme nuk ka përfshirë në dosje dokumentacionin e plotë në lidhje me privatizimin e ish-kompleksit Partizani. Sipas Malltezit, familjarët e bashkëshortit të saj e kanë nisur procesin për kthimin e pronave që në vitin 1994 dhe është përmbyllur në 2006. Bashkëshortja e Jamarbër Malltezit dhe vajza e ish-Kryeministrit thotë se në të gjithë këtë proces, Sali Berisha nuk ka ndërhyrë në asnjë moment.