Presidentja e Kosovës, Vjosa Osmani në një vizitë zyrtare dyditore në Kroaci, diskutoi me homologun e saj kroat, Zoran Milanović për tensionet në veri të Kosovës, dhe domosdoshmërinë e reagimit të komunitetit euroatlantik. “Nëse nuk ndërmerren masa nga komuniteti euroatlantik, Serbia do të ndjehet më e fuqishme, më e inkurajuar nga mosndëshkimi, për të vazhduar me akte të tjera dhe sulme të tjera kundër Kosovës, me qëllimin përfundimtar, atë që është dëshmuar në fakt me të gjitha provat që kemi mbledhur më 24 shtator, që ka qenë aneksimi i veriut të Kosovës. Përkundër këtyre veprimeve armiqësore të Serbisë, më lejoni ta ritheksoj, Kosova mbetët e palëkundur në vizionin e saj, në përpjekjet e saj dhe në veprimet e saj për të pasur raporte të mira fqinjësore me të gjitha shtetet e Ballkanit Perëndimor” Në konferencën e përbashkët për shtyp, presidenti i Kroacisë, Zoran Millanoviç u shpreh se Serbia duhet të japë përgjigje për sulmin e 24 shtatorit teksa kërkoi bojkot të sanksioneve të Bashkimit Europian ndaj Kosovës.