Të tjera detaje janë zbardhur nga rrethanat e tentativës së vrasjes me armë zjarri, ndodhur pasditen e së hënës në Pogradec, në lagjen nr 3. Nikolas Agolli 24 vjeç dhe David Prifti 30 vjeç, banues në fshatin Buçimas, janë vënë në pranga, ndërsa janë shpallur në kërkim dhe bashkëpunëtorë të tjerë të ngjarjes, 40 vjeçarin Meardi Berberi dhe vëllain e Nikollës, 22 vjeçari Edison Agolli. Katër autorët, të gjithë me precedent penal për krime kundër personit, mësohet se kanë qenë në një automjet, në momentin kur janë afruar pranë ‘shënjestrës’, 35-vjeçarit Brian Syzo, I cili mbeti I plagosur. Ky I fundit ndodhej I parkuar me automjetin e tij në anë të rrugës së bashku me një shokun e tij, në kohën kur autori Nikolla Agolli dhe tre bashkëpunëtorët e tjerë, janë afruar.