Top News – Heq mbushjet bërthamore dhe qëllon! / Britania: Rusia nuk ka më raketa, po improvizon!

Rusia me gjasë po heq mbushjet bërthamore nga raketat e vjetra kruiz dhe po i hedh ato në ukrainë – thotë inteligjenca ushtarake britanike. Ministria e mbrojtjes, tha se imazhe nga sulme të ndryshme mbi ukrainë, tregojnë mbetje të raketave kruiz të prodhuara në vitet 1980 si sisteme bërthamore, duke shtuar se mbushja me gjasë është hequr prej tyre. Një teknikë e tillë, është në gjendje të shkaktojë sërish dëm përmes energjisë kinetike të raketës dhe karburantit që digjet, sidoqoftë, ka pak gjasa që të arrihen rezultate ndaj objektivave të marra në shënjestër.