Fundi i muajit gusht ofroi spektakël në qiellin e kryeqytetit ku u shfaq hëna më e madhe dhe më e ndritshme e vitit e njohur si superhëna blu. Po e njëjta panoramë është shfaqur në qiejt në mbarë botën, nga Azia në Lindjen e Mesme në Evropën Jugore, duke ofruar një fenomen të rrallë që ndodh në momentin kur hëna është në pikën më të afërt të orbitës së saj me Tokën. Superhëna e fundit blu ishte në dhjetor të vitit 2009 dhe e ardhmja nuk do të jetë deri në janar 2037, raporton NASA. Hënës i duhen 27.3 ditë për të rrotulluar Tokën, por për shkak të mënyrës se si drita e diellit godet trupin qiellor, i duhen 29.5 ditë për të përfunduar ciklin e saj hënor nga një hënë e re në tjetrën. Pra, është e rrallë që ne në Tokë të shohim dy hëna të plota në harkun kohor të një muaji. Kur kjo ndodh quahet "hënë blu". Pavarëisht magjisë që shfaq në qiell, afërsia e hënës do të thotë që për disa ditë, diapazoni i baticave do të jetë më i madh se normalja. Hëna do të ushtrojë 48% më shumë forcë gjatë baticave pranverore krahasuar me dy javë më parë, gjë që mund të shkaktojë disa përmbytje bregdetare, sipas Space.com .