Miliona njerëz në Amerikën e Veriut janë këshilluar të mbajnë maska kur dalin nga shtëpitë për shkak të cilësisë së keqe të ajrit, të shkaktuar nga zjarret në Kanada. Në Nju Jork do të fillojë shpërndarja falas e maskave të enjten. Kanadaja ka thënë se maskat duhet të mbahen sa herë që njerëzit nuk kanë mundësi të qëndrojnë në ambiente të mbyllura. Zyrtarët kanë paralajmëruar se edhe gjatë fundjavës pritet të ketë nivele të rrezikshme tymi. Pjesa më e madhe e tymit vjen nga Kebeku i Kanadasë, ku janë raportuar 150 vatra zjarri. Më shumë se 15.000 banorë pritet të evakuohen në këtë zonë, thanë zyrtarët një ditë më parë. Ky vit ka thyer rekord për më së shumti zjarre të regjistruara në zonën e Kuebekut.