Një helikopter u përplas mbi majën e një hoteli Hilton në Australinë verilindore të hënën, duke vrarë pilotin dhe duke ndezur një shpërthim të zjarrtë në çatinë e ndërtesës. Qindra klientë u evakuuan nga DoubleTree by Hilton në qendrën turistike tropikale Cairns, pasi helikopteri me dy motorë u rrëzua rreth orës 1:50 të mëngjesit me kohën lokale. Pjesët e helikës së helikopterit përfunduan në pishinën e hotelit, tha një zyrtar i shërbimeve të urgjencës. Një dëshmitare tha se qeni i saj e kishte zgjuar para përplasjes së helikopterit, që ajo e pa nga ballkoni i saj. Ishte një helikopter i vogël dhe po fluturonte shumë poshtë, pa asnjë dritë të ndezur”, tha ajo duke shtuar se mjeti po fluturonte në mënyrë të crregullt. Në momentin e përplasjes me ndërtesën pati edhe një shpërthim të madh.