Koreja e Veriut hodhi në erë seksione të rrugëve ndërkoreane dhe linjave hekurudhore në anën e saj të kufirit shumë të fortifikuar mes dy Koreve të martën, duke shtyrë ushtrinë e koresë së jugut që të hapte zjarr në shenjë paralajmërimi. Tensionet janë rritur në gadishullin korean, me Phenianin që tha javën e kaluar se do të ndërpresë plotësisht rrugët dhe hekurudhat ndër-koreane dhe se do të forconte më tej zonat në anën e tij të kufirit, si pjesë e shtytjes së tij për një sistem "me dy shtete", duke hequr dorë nga synimi i hershëm për bashkim. Rreth mesditës të së martës, disa pjesë të linjave rrugore dhe hekurudhore që lidhin vendin e izoluar me Korenë e jugut, u shkatërruan, tha Shefi i Shtabit të Përbashkët të Seulit. Ministria e ribashkimit në Korenë e Jugut, që merret me çështjet ndërkufitare, e dënoi incidentin duke e quajtur atë një shkelje të qartë të marrëveshjeve të kaluara ndërkoreane dhe aspak normal.