Në Hidricentralin e Komanit, që shërben edhe si rregullator për të gjithë hecet e tjera të kaskadës ë drinit, vijon puna me kapacitet të plotë edhe pse reshjet janë ndërprerë prej disa ditësh. Ministrja e Infrastrukturës dhe Energjisë, Belinda Balluku gjatë një inspektimi në hidrocentralin e Komanit pa nga afër punën që po bëhet dhe siuatën e krijuar nga niveli i lartë i reshjeve, që u regjistruan gjatë muajit janar. Balluku u njoh nga Drejtori i Njësisë së Prodhimit në këtë hidrocentral, Kujtim Prroni, edhe me investimet që janë realizuar në këtë vepër dhe që kanë ndikuar në rritjen e gatishmërisë në këtë HEC. Ministrja Balluku tha se menaxhimi i situatës, në koordinim mes të gjitha strukturave, dhe masat e marra në kohën e duhur, sollën një minimizim të dëmeve si pasojë e reshjeve intensive të shiut.