Deputetët konservatorë e përshëndetën me duartrokitje të ngrohta Boris Johnson pas fjalimit të tij të fundit në Dhomën e Komunave. Kryeministri britanik në detyrë tha pas shkarkimit se ai dhe qeveria e tij kishin nxjerrë vendin nga pandemia dhe për të ndihmuar në shpëtimin e Ukrainës nga barbaria. “Hasta la vista baby”, ishin fjalët e fundit të Johnsion, duke cituar shprehjen e famshme të Arnold Schëarzenegger në filmin Terminator. Fjalimi i tij erdhi pasi Partia Konservatore në Britani të Madhe ka zgjedhur Rishi Sunak dhe Lizz Truss, si dy kandidatët finalë në zgjedhjet për të zëvendësuar kryeministrin Boris Johnson. Këta emra kanë dalë pas votimit të zhvilluar të mërkurën. Në garë përballen Sunak, ish-shef i Thesarit britanik, që ka udhëhequr ekonominë e Britanisë përgjatë pandemisë së koronavirusit, kundër Truss, e cila në pozitën e ministres së Jashtme, ka qenë në krye të qëndrimit britanik ndaj pushtimit rus në Ukrainë. Të dy konkurrentët do të bëjnë fushatë në javët në vijim për të bindur 180,000 anëtarët e Partisë Konservatore me të drejtë vote. Fituesi i zgjedhjeve do të bëhet publik më 5 shtator, dhe kushdo që merr kryesimin e partisë, e merr me automatiksiht edhe postin e kryeministrit. Pamjet: AFP