Dy persona kanë rënë në pranga dhe procedohet penalisht një tjetër nga policia e Fierit në kuadër të operacionit “Tempulli” të cilët shitnin doza kokain dhe cannabisi, në lagje të ndryshme të qytetit. Policia e Fierit ka vënë në pranga shtetasin Redon Laze 29 vjec banues në Fier, pasi kishte me vete dhe në banesë, 20 doza të lëndës narkotike kokainë, të gatshme për shitje dhe 1 peshore elektronike , ndërkohë në pranga ka rënë dhe shtetasi Marinel Serjanaj 31 vjeç banues në Lushnjë, si dhe referuan materialet në Prokurori ku nisi procedimi në gjendje të lirë për shtetasin A. M., 33 vjeç, pasi në automjetin me të cilin lëviznin këta shtetas, u gjet një sasi lënde narkotike cannabis sativa, e ndarë në doza, të gatshme për shitje. Gjithashtu, 31-vjeçarit iu gjet një kartëmonedhë euro, e dyshuar e falsifikuar.