Pas agresionit rus kundër Ukrainës disa nga vendet e rajonit kanë rikthyer shërbimin e detyrueshëm ushtarak, por Qeveria e Kosovës ndonëse e kishte premtim të fushatës zgjedhore, madje edhe pjesë të planit qeverisës, hoqi dorë nga ky lloj shërbimi duke e zëvendësuar atë me Programin Kombëtare për Mbrojtje Gjithëpërfshirëse. Për Nuredin Ibishin, njohës i sigurisë, në situatën aktuale, Kosova duhet të nisë shërbimin e detyrueshëm ushtarak. “Në këtë situatë është mjaftë e vështirë që paralel të shkoj edhe programi i trancizionit të FSK-së që mbaron në vitin 2028, por edhe shërbimi i detyrueshëm ushtarak… Mendoj që është e nevojshme kjo të bëhet ngase ne kemi pas një përvojë gjatë luftës kur të rinjtë tanë nuk kanë pas as njohuri elementare, as për taktikë luftarake, as për armatim.... Por, eksperti ushtarak, Hysen Gecaj konsideron se aktualisht Kosova nuk ka nevojë për shërbimin e detyrueshëm ushtarak.