Në harkun kohor të pak javëve kryeministri Rama ka shkelur sërish në tokën gjermane, këtë herë për të qenë pjesë e një conference për investimet gjermane. Rama nuk la pa folur për cështjen e negociatave, ku skepticizmi francez mori një përgjigje. Rama tha se Presidenti i Francës Emmanuel Macron, i kishte deklaruar se ishte gati të hapte negociatat me Shqipërinë, por e vonoi për çështje të brendshme politike, pasi kishte drojë se do të rritej në këtë rast partia e Marie le Pen. “I thashë Macron, dil e thuajë këtë publikisht. Të themi që na falni pasi duhet të lyejmë shtëpinë, e jo ta mbulojmë me këtë se shqiptarët kanë probleme. Ne jemi të dashuruar pa kushte me Europën dhe duam të martohemi, por nuk flasim. Të paktën duhet të flasim. Kështu që fillimi i negociatave pas vendimit për hapje, është vendimi më normal, pasi ne nuk po anëtarësohemi, thjesht po flasim”,. Kryeministri pati një mesazh për vendet e Bashkimit Europian për nisjen e Konferencës Ndërqeveritare ndërmjet BE-së dhe Shqipërisë. Përmes batutave Rama tha se Europa do të martohet me Shqipërinë por nga ana tjetër nuk i flet asaj. Sipas tij të privosh vendet nga anëtarësimi është e pakuptimtë, ndërsa në fund u bëri thirrje që të vizitojnë Shqipërinë, duke u shprehur se për të huajt është vendi më i sigurt në Europë.