Situata e krijuar me koronavirusin ka bërë që autoritetet greke të vendosin shtyrjen deri më 7 janar të hapjes së pikës së kalimit kufitar në Kapshticë. Ky vebdim beheti I ditur nga Drejtoria vendore e Kufirit dhe Emigracionit në Korçë. Kujtojmë që pala greke vendosi më 20 nëntor mbylljen e plotë të kësaj pike kufitare, ndërkohë që në datën 3 dhjetor vendimi u ndryshua duke lejuar këmbësorët, kamionët e tonazheve të rënda dhe të mallrave për të hyrë drejt tokës shqiptare. Për personat të cilët do të duan të hyjnë drejt tokës helene, e vetmja pikë kufitare ngelet ajo e Kakavijës, e cila ende ruan kuotën prej 700 personash, qe mund te kalojne ne nje dite. Nderkohe ne fund te dhjetorit, për shkak të festave të fundvitit, pritet që lëvizjet në hyrje të Republikës së Shqipërisë të shtohen.