Ministria e Arsimit u ka kërkuar të gjitha shkollave në vend që pavarësisht temperaturave të ulëta, duke qenë se jemi në kushtet e pandemisë së Covid 19 duhet të zbatohen udhëzimet e Komitetit Teknik të Ekspërtëve. “Dritaret e klasave duhet të hapen të paktën 5-6 herë gjatë kohës që nxënësit janë në proces mësimor dhe në ambientet e tyre duhet të mbahet një temperaturë konstante", thuhet në njoftimin e ministrisë të pak ditëver më parë. Marrë shkas nga ky njoftim i ministrisë që i referohej udhëzimit të fillimit të vitit shkollor, zv President i Sindikatës së Arsimit, Isa Halilaj, i ftuar në emisionin “Ëake Up” në Top Channel theksoi se në kushtet kur në shkolla mungon sistemi i ngrohjes ngrohja, dhe në këto temperatura kaq të ulëta është e pamundur që dritaren të mbahen të hapura, apo të hapën për ajrosje disa herë. Sipas tij ky shqetësim është ngritur herë pas here nga ana e tyre dhe u është bërë e ditur autoriteteve përkatëse, por asgjë nuk ka ndryshuar.