Tuneli i Llogarasë është hapur për qarkulim dhe pritet që të shkurtojë distancën nga Dukati deri në Palasë nga 30 minuta në vetëm 7 minuta. Teksa ishte paralajmëruar më parë për hapjen e tunelit, të shumtë kanë qenë drejtuesit e mjeteve që kanë vendosur të inagurojnë tunelin, të cilëve për shkak të rradhës, iu është dashur të presin në radhë. Me një gjatësi prej afro 6 kilometrash, ky investim i ri është pritur e shumë entuziazëm nga grupi Lab dhe grupet popullore të labërisë, të cilët ishin pjesë e inagurimit. Këto të fundit pritën dhe përshëndetën kryeministrin Edi Rama, i cili gjithashtu ishte pjesë e inagurimit. Ky tunel është i veshur me beton dhe i pajisur me të gjitha eementët e duhura duke nisur nga sistemet komplekse të drenazhimit, ventilimit, mbrojtjes kundër zjarrit, thirrjeve të emergjencës deri tek sinjalistika rrugore. Kjo ishte një nga fazat e hapjes tunelit, ku lejohet kalimi për makinat e pasagjerëve dhe autobusëve, ndërsa në faza të mëvonshme do të hapet për mjetet e tonazhit të rëndë.