Edhe ne Kapshtice, dogana greke pasi ka nderprere punën për rreth 3 orë, ka rifilluar duke lejuar kalimin e personave që prisnin në radhë të gjatë që prej natës. Mbyllja e doganës nga pala greke u bë rreth orës 9 të mëngjesit të së dielës, pasi ishte plotësuar kuota prej 300 personash e vendosur nga autoritetet aty. Më pas urdhri zyrtar lejoi rinisjen e punës në doganën greke, pak pas orës 12 të mesditës. më herët policia shqiptare u bëri thirrje qytetarëve që duan të udhëtojnë në drejtim të Greqisë, që mos vijojnë të dynden dhe të shmangin krijimin e radhës drejt pikes së kalimit kufitar në Kapshticë, pasi Dogana greke ishte e mbyllur. Për t’i parprirë shtimit të radhëve të automjeteve, një postobllok i policisë është vendosur në hyrje të qytetit të Bilishtit, dhe nuk lejon kalimin e mjeteve drejt Kapshticës. Në radhe për të kaluar drejt Greqisë kanë mbetur me qindra automjte . Edhe në Kapshticë ka pasur radhë të gjata për të kaluar drejt Greqisë gjatë këtyre ditëve, por më pak në krahasim, me pikën e kalimit të Kakavijës, ku pati një krizë të vërtetë humanitare, pasi radhët a automjeteve që prisnin të kalonin vazhdonin për disa kilometra.