Shpenzimet për armët bërthamore nga nëntë vendet e botës të armatosura me to u rritën me 11% në vitin 2024, tha të premten një raport nga Fushata Ndërkombëtare për eleminimin e Armëve Bërthamore. Rritja vjetore prej 10 miliardë dollarësh, që e coi totalin në 100.2 miliardë dollarë, shkoi drejt modernizimit dhe në disa raste zgjerimit të arsenaleve bërthamore, sipas ICAN, një koalicion global i shoqërisë civile që kërkon eliminimin total të armëve atomike. "Vendet e armatosura me armë bërthamore mund të kishin paguar buxhetin e Kombeve të Bashkuara 28 herë me atë që shpenzuan për të ndërtuar dhe mirëmbajtur armët bërthamore në vitin 2024", tha raporti. SHBA-të regjistruan rritjen më të madhe vjetore të shpenzimeve bërthamore në vitin 2024, me 5.3 miliardë dollarë, tha raporti. Shpenzimet totale të SHBA-së, prej 56.8 miliardë dollarësh, tejkaluan shpenzimet e kombinuara të të gjitha shteteve të tjera të armatosura me armë bërthamore, thekson raporti. Kina shpenzoi 12.5 miliardë dollarë, e ndjekur nga Britania me 10.4 miliardë dollarë, që përbën një rritje prej 2.2 miliardë dollarësh, tha ICAN.