Departamenti i Drejtësisë i Shteteve të Bashkuara të Amerikës ka publikuar grupin më të madh të dokumenteve të lidhura me Jeffrey Epstein, në zbatim të ligjit që urdhëron transparencë të plotë. Bëhet fjalë për rreth 3 milionë faqe, 180 mijë imazhe dhe 2 mijë video, që përfshijnë raporte hetimore, email-e, materiale nga qëndrimi i Epsteinit në burg, raportin psikologjik dhe të dhëna mbi vdekjen e tij në vitin 2019. Në dosje ka edhe dokumente që lidhen me bashkëpunëtoren e tij, Ghislaine Maxwell, e dënuar për trafikim të të miturave.