Kryeministria ka hapur procedurat për zgjedhjen e kryetarit të ri të komisionit të prokurimit publik. Ky institucion drejtohet prej korrikut të vitit 2020 nga Jonaid Myzyri dhe sipas ligjit për prokurimin publik mandate i kryetarit është pesë vjeçar, pra këtë vit përfundon, prandaj këshillit të ministrave i lind detyrimi ligjor të publikojë njoftimin për aplikim të paktën gjashtë muaj para përfundimit të mandatit. Të interesuarit kanë afat deri më 27 janar që të dorëzojnë dokumentacionin e nevojshëm, ku ndër të tjera kërkohet vërtetim nga prokuroria e përgjithshme dhe SPAK-u se nuk janë në procedim penal. Vlerësimi bëhet nga një komision ad-hoc, i cili brenda 30 ditëve nga data e mbylljes së aplikimeve bën vlerësim paraprak të kandidatëve. Pas vlerësimit të jetëshkrimit, kandidatët mund t’i nënshtrohen intevistimit.