Çelet gara ndërkombëtare për ndërtimin e hekurudhës Vorë-Hani i Hotit, për të krijuar një lidhje edhe më të fortë infrastrukturore mes Shqipërisë dhe Malit të Zi. Balluku: “Është një linjë hekurudhore prej 120 kilometrash e cila fillon nga Vora dhe përfundon në Han të Hotit. Parashikohet që të ndërtohen apo të rikonstruktohen 12 stacione. Kjo hekurudhë do të ketë 12 ura dhe ka dhe një tunel të vendosur në zonën e Lezhës, një tunel me një gjatësi 320 metra. Nga ana tjetër, shpejtësia e kësaj linje hekurudhore parashikohet që të jetë 120 kilometra në orë. Gjithashtu ka një parashikim, në studimin e fizibiltietit, i cili shpjegon se është një rrugë hekurudhore, një rrugë e hekurt e cila do të përshkrohet për 2 orë mesatarisht dhe nga ana tjetër do të ketë një fluks vjetor të 2.3 milionë pasagjerëve ose 900 mijë ton ngarkesa mallrash në vit.” Zëvendëskryeministrja, njëherësh edhe minitrja e Infrastrukturës, Belinda Balluku ndau detajet e mënyrës së financimit të këtij projekti.