Pas publikimit të lajmit se autoritetet greke kanë ndaluar hyrjen e autobusëve të linjave shqiptare në kakavijë, ka reaguar edhe ambasada jonë në Athinë, e cila nëpërmjet një note proteste, por edhe me takime nga afër me zv ministrin e transportit të greqisë kanë bërë të mundur hapjen e kufirit për kompanitë shqiptare të udhëtimit. Ka qënë këmbëngulja e ambasadores shqiptare Luela Hajdaraga, e cila ndërhyri pranë autoriteteve greke, për të shmangur një krizë të ngjashme me atë të një viti më parë në kufirin dypalësh ku mijëra shqiptarë mbetën të bllokuar nën temperatura mbi 40 gradë për shkak të masave covid të vendosura nga qeveria greke. Ministria greke e transportit ka deklaruar se ka qenë një gabim njerëzor i bërë prej nëpunësve të kësaj ministrie që ka sjellë problemin duke premtuar se do të bëhet çdo gjë e mundur që situata të ngjashme mos të përsëriten më. Autoritetet greke thanë se kanë marrë të gjitha masat që nga e premtja lëvizja të kryhet normalisht dhe udhëtarët shqiptarë të mos pengohen më në kufi. Në çdo rast, minisitria greke e Transportit theksoi se lëvizja e autobusëve do të bëhet me 85% të kapacitetit të tyre dhe duke zbatuar rreptësisht protokollet anti Covid.