Hapen kinematë në vend sipas protokolleve kundër COVID-19. Ky urdhër i Ministres së Shëndetësisë Ogerta Manastirliut, është publikuar në Fletoren Zyrtare dhe hyn në fuqi menjëherë. Pra duke filluar që nga dita e enjte të gjitha kinematë në vend mund të hapen. Urdhëri i ri përjashton kinematë nga aktivitetet që kufizohen për shkak të pandemisë së COVDI-19. Ndërkohë, teatrot, koncertet do të vazhdojnë të jenë akoma të mbyllura për shkak të pandemisë dhe urdhërit që është në fuqi që nga data 29 maj 2020. Hapja e kinemave është bërë 7 muaj pas urdhërit për t’u mbyllur. Në urdhrin e botuar në fletoren zyrtare nuk ka të specifikuar masa të veçanta për funskionimin e kinemave, por thuhet se aktiviteti i kinemave duhet të ofrohet në përputhje me protokollet e miratuara nga Instituti i Shëndetit Publik për parandalimin e përhapjes së infeksionit COVID-19