Një shtetas amerikan në një fluturim riatdhesimi ka rezultuar pozitiv për hantavirusin, ndërsa një tjetër ka simptoma të lehta pasi ka lënë një anije turistike të prekur nga një shpërthim vdekjeprurës i virusit, tha departamenti i shëndetësisë i SHBA-së. Të dy pasagjerët në avionin çarter që qeveria amerikane dërgoi në spanjë, po udhëtojnë drejt një "njësie izolimi", thuhet në deklaratë. Sapo të mbërrijnë, të 17 qytetarët amerikanë në fluturim do të kontrollohen më tej në një strukturë mjekësore në Nebraska. Ata janë midis më shumë se 90 pasagjerëve të anijes MV Hondius, tani të ankoruar në Ishujt Kanarie të Spanjës, të cilët po riatdhesohen. Zyrtarët thonë se rreziku i një shpërthimi të madh është shumë i ulët. Tre pasagjerë, një çift holandez dhe një grua gjermane, kanë vdekur deri më tani pasi udhëtuan në anije. Dy prej tyre janë konfirmuar se e kanë pasur virusin.