Luftëtarët e Hamasit ka mundësi të kenë përdorur armë të Koresë së Veriut gjatë sulmeve të tyre më 7 tetor ndaj Izraelit. Agjencia Associated Press tha se ky përfundim ka dalë pas analizimit të një videoje dhe armëve që janë kapur nga Izraeli, pavarësisht se Peniani ka mohuar t’i ketë shitur armë grupit militant palestinez. Videoja është analizuar nga dy ekspertë për armët e Koresë së Veriut. Agjencia Associated Press ka analizuar armët e kapura në fushëbetejë, por është bazuar edhe në inteligjencën ushtarake të Koresë së Veriut, dhe sipas saj, pamjet tregojnë se Hamasi ka përdorur raketahedhës krahu F-7, armë që zakonisht luftëtarët e përdorin kundër autoblindave. Këto dëshmi hedhin dritë tek dërgesat e paligjshme të armëve që Koreja e Veriut, shtet i goditur nga sanksionet ndërkombëtare, përdor për të financuar programet e saj të armëve.