Vetëm katër nga 28 pengjet e vdekura izraelite u dorëzuan nga Hamasi të hënën në mbrëmje, duke ndezur akuza për mashtrim nga grupi terrorist. Hamasi tha se ka angazhuar 7,000 anëtarë të forcave të tij të sigurisë me "pastrimin e Gazës nga të jashtëligjshmit dhe bashkëpunëtorët", duke ndezur kështu frikën e një lufte civile të përgjakshme në territor. Janë publikuar tashmë video rrëqethëse që tregojnë anëtarë të hamasit duke ekzekutuar të burgosurit që akuzohen për bashkëpunim me Izraelin. Një nga videot tregon një turmë njerëzish të mbledhur përreth ndërsa militantët e hamasit qëllojnë pesë burra me sy të mbyllur. Ata thuhet se akuzoheshin për kalimin e "vijës së verdhë" në hartën e paqes, në të cilën forcat izraelite janë tërhequr. Një prej të ekzekutuarve thuhet se ishte përgjegjës për rekrutimin e agjentëve për milicinë Abu Shabab. Gjatë fundjavës, para lirimit të pengjeve, dhjetëra të tjerë u vranë në Qytetin e Gazës në beteja të ashpra me armë mes Hamasit dhe një grupi rival. Personat e armatosur të Hamasit u shfaqën sërish më pas kur pothuajse 2,000 palestinezë të liruar nga burgjet izraelite u kthyen me autobusë në Gaza. Edhe vetë presidenti amerikan Donald Trump, që firmosi në egjipt fazën e parë të marrëveshjes së paqes e foli për agimin e një lindjeje të mesme të re, tha më herët se për momentin, hamasit i ishin lënë fuqi në garantimin e sigurisë së brendshme.