Grupi militant i Hamas ka pranuar propozimin e SHBA për nisjen e bisedimeve për lirimin e pengjeve. Një burim pranë kësaj organizate terroriste i tha agjencisë Reuters se drejtuesit e Hamas kanë hequr dorë nga kërkesa që parashtroi në fillim ku kërkonte që Izraeli të ndalte luftimet fillimisht e më pas të nisnin negociatat. Po ashtu nga propozimi pritet të arrihet një marrëveshje që mund t’i jepte fund luftës në Gaza në rast se do të pranohej dhe nga Izraeli. Edhe pse një burim në ekipin negociator të grupit izraelit tha se tashmë ka një shans që të arrihet një marrëveshje përfundimtare mes palëve. Lidhur me këtë situatë, kabineti i kryeministrit Benjamin Netanyahu nuk dha një përgjigje kur u pyet nga Reuters. Të premten zyra e tij tha se bisedimet do të vazhdonin javën e ardhshme duke shtuar se hendeku mes palëve mbeten ende. Nga konflikti i armatosur kanë humbur jetën më shumë se 38 mijë palestinezë, sipas të dhënave të bëra publike nga ministria e shëndetësisë në Gaza.