Izraeli ka ashpërsuar akuzat për abuzime të hamasit në spitalin më të madh të rripit të Gazës, të dielën, duke thënë se një ushtar i kapur rob ishte ekzekutuar dhe dy pengje të huaja ishin mbajtur në një vend që ka qenë në fokus të ofensivës së tij shkatërrimtare, gjashtë javopre. Në një moment, al shifa u kthye në një strehim për dhjetëra e mijëra refugjatë palestinezë të luftës ndërkohë që tani nga andej janë evakuuar pacientët dhe stafi pasi trupat izraelite ndërhynë javën e kaluar në atë që ajo e quajti mision për të shkatërruar strehat e hamasit. Izraeli po kërkon edhe rreth 240 pengjet që hamasi rrëmbeu gjatë sulmit të 7 tetorit dhe i mori me vete në gaza. Një prej tyre ishte ushtarka izraelite Noa Marciano, 19 vjec, trupi i të cilës u gjet afër al shifës, javën e kaluar. Hamasi tha se ajo kishte humbur jetën në një sulm ajror izraeli dhe lëshoi një video ku duket se shihej trupi i pajetë i saj. Ushtria izraelite tha se një ekzaminim mjekologjor kishte dalë në përfundimin se ajo kishte pësuar lëndime jo të rënda nga një sulm i tillë. “Sipas të dhënave të inteligjencës, Noa u mor nga terroristët e hamasit brenda mureve të spitalit al shifa. Atje ajo u vra nga një terrorist i hamasit”, tha zëdhënësi Daniel Hagari pa dhënë më shumë detaje. Në një konferencë për shtyp ai tha edhe se hamasi kishte mbajtur një nepalez dhe një tajlandez, të rrëmbyer më 7 tetor, në al shifa, por nuk dha emrat e tyre. Një video e kamerave të sigurisë e shfaqur prej Hagarit duket se tregonte një grup njerëzish që hynin në spital duke habitur edhe stafin mjekësor. Një klip tjetër tregonte një person të lënduar ndërsa një burrë tjetër afër tij, me veshje civile, mbante një armë.