Lideri i Hamasit Ismail Haniyeh u takua me ministrin e jashtëm iranian të shtunën në katar, ku diskutuan për sulmet vdekjeprurëse të grupit militant palestinez në Izrael dhe ranë dakord për të vazhduar bashkëpunimin në arritjen e qëllimeve të grupit – tha hamasi në një deklaratë për shtyp. Gjatë takimit të tyre në kryeqytetin e Katarit, Doha, ministri i jashtëm iranian Hossein Amirabdollahian, lëvdoi sulmin e hamasit mbi izrael duke e quajtur atë një fitore historike që i kishte shkaktuar jo pak dëme okupimit izraelit të territorit palestinez. Ministri iranian, sipas deklaratave, ka përsëritur mbështetjen e vendit të tij për popullin palestinez dhe rezistencën e tij, përballë krimeve izraelite. Ministri i jashtëm i iranit mbërriti në doha mëngjesin e të shtunës dhe u takua atje me zyrtarë të lartë. Ai vizitoi edhe libanin dhe sirinë, ku takimet po ashtu u fokusuan në zhvillimet më të fundit në Gaza. Irani konsiderohet një nga mbështetësit kryesorë të hamasit dhe akuzohet nga vendet perëndimore dhe izraeli se e ka furnizuar me armë hamasin dhe grupet e tjera palestineze.